Vedat Ademi jeton prej vitesh në SHBA me familjen e tij. Megjithëse larg, këngëtari nuk ka qëndruar asnjëherë larg muzikës dhe ka sjellë projekte muzikore. Së fundmi, gjatë një interviste këngëtari tregoi se së shpejti do të mbajë një koncert recital.
“Dua që të bëj një koncert recital. Përveçse një recital dua të bëj dhe diçka tjetër që ndoshta do jetë pak më e madhe sesa aq, që ka të bëjë me mua, me karrierën time ndoshta dhe me jetën time në muzikë. Do të përfshijë sigurisht edhe familjen time e gjithë gjërat që unë kam kaluar në muzikë.
Shpresoj që koncerti recital të realizohet. Janë shumë njerëz që vazhdimisht më shkruajnë dhe duan diçka nga unë. Edhe mua personalisht më mungon shumë publiku i Tiranës”, është shprehur këngëtari. Kujtojmë që projekti më i fundit i këngëtarit titullohet “Po vij”, publikuar një javë më parë. /abcnews.al
