Loading ...
Një punonjës 55-vjeçar ka humbur jetën sot në Termocentralin “Kosova B”, pas një incidenti të rëndë ku është përfshirë një mjet transporti i llojit kamion.
Lajmi është konfirmuar nga Korporata Energjetike e Kosovës, e cila njofton se si pasojë e incidentit punonjësi kishte pësuar lëndime të rënda, ndërsa më pas ekipet mjekësore në vendngjarje kanë konfirmuar vdekjen e tij.
Xhelal Jashari, kryetar i Sindikatës së Re të korporatës energjetike të Kosovës ka konfirmuar se punëtori që u shtyp për vdekje nga kamioni ishte punëtor i sigurimit.
Ai i ka shprehur ngushëllime familjes së viktimës dhe është lutur që ngjarje të tilla të mos përsëriten më.
Në vendngjarje mbërritën menjëherë forcat e policisë për hetimin dhe zbardhjen e plote të aksidentit.
