Më parë u raportua se rreth 300 gazetarë spanjoll shkuan në Greqi për të ndjekur varrimin e ish-mbretit. Por kjo nuk ishte arsyeja e vetme pse ata shkuan në Greqi.
Një lajm se ish-mbreti i Spanjës Juan Carlos, i cili tani jeton në një vend të izoluar të Gadishullit Arabik, larg nga familja mbretërore për shkak të përfshirjes së tij në skandale financiare dhe jashtëmartesore, do të shkojë në Greqi për funeralin, bëri bujë në mediat spanjolle që siç dihet janë dashamirës të subjekteve mbretërore.
Fakti që Juan Carlos është larguar nga familja spanjolle dhe se djali i tij, tani Mbreti i Spanjës, Felipe, dhe gruaja e tij Sofia, kanë mbajtur distancë prej tij prej disa vitesh, ishte arsyeja që kaq shumë përfaqësues të mediave spanjolle kanë shkuar në vendin fqinj.
Shumë njerëz ishin të shqetësuar nga kthimi i ish-mbretit pasi pretendonin se situata do të ishte e vështirë pasi komunikimi i familjes ishte ndërprerë për më shumë se pesë vjet.
Lajmi për praninë e tij, nuk mund të ndodhte ndryshe pasi ish-familja mbretërore greke luajti një rol në ngjitjen e tij në fron.
Të gjithë ishin të shqetësuar se si do shkonte bisedimi mes tyre, por Nëna Mbretëreshë e Spanjës Sofia pranoi të dërgonte një kurorë për të por gjithashtu të ishin së bashku gjatë ceremonisë.
Në fakt, duke përcjellë mesazhin se familja është e gjithë bashkë, duke përjetuar zinë e rëndë për të vëllanë, ajo i ka kërkuar djalit të saj Felipe që të ndihmojë të atin, i cili po përballet me probleme të rënda shëndetësore, si në lëvizjen e tij brenda Mitropolisë dhe brenda ambienteve të Tatoios.
Juan Carlos u udhëzua të qëndronte në hotelin St. George Lycabettus, vend ku Sofia dhe vajzat e tyre po qëndrojnë prej disa ditësh. Megjithatë, në darkën e djeshme në Tudor Hall, Sofia dhe Juan Carlos u ulën krah për krah, duke i dhënë fund mosmarrëveshjes mes tyre. Ata që komentuan se “pa dyshim vdekja e Kostandinit bëri bashkë ish-çiftin mbretëror të Spanjës.” /abcnews.al
