Rektori i Universitetit të Tiranës Mynyr Koni ka ngritur padi ndaj pedagogëve te shkarkuar pak ditë më parë, pasi kishin vazhduar punën për procesin zgjedhor në Universitete, në kundërshtim me aktin normativ përgjatë pandemisë së koronavirusit.
Koni ka kallëzuar pedagogët Majlinda Keta, Bernard Dosti, Oriona Muçollari, Ardian Doka, Eglantina Gishti, si dhe administratorin Skerdi Dafa, i cili sipas tij nuk ka marrë asnjë masë administrative ndaj personave të sipërpërmendur pas shkeljes së urdhrit të Ministrisë së Arsimit.
Koni thotë se pedagogët e shkarkuar rreth një javë më parë, pas zgjidhjes së kontratës kanë vazhduar veprimtarinë e tyre të paligjshme duke nxjerrë akte dhe vendime në kundërshtim me ligjin.
Vendimi për shkarkimet erdhi në prag të zgjedhjeve për rektor dhe anëtarë të senatit në universitete, të cilat u shtynë prej pandemisë së koronavirusit./abcnews.al
