Loading ...
Sulmet me dronë vranë një person në Ukrainë dhe një tjetër në Rusi, thanë zyrtarët të shtunën, përpara bisedimeve të reja javën e ardhshme që synojnë t’i japin fund luftës.
Një grua e moshuar vdiq kur një dron rus goditi një ndërtesë banimi në qytetin e Odesës, tha Shërbimi Shtetëror i Emergjencave i Ukrainës, raportoi AP.
Në Rusi, një civil u vra në një sulm me dron ukrainas ndaj një makine në rajonin kufitar Bryansk, tha Guvernatori rajonal Alexander Bogomaz.
Sulmet erdhën një ditë pasi një sulm me raketa ukrainase në qytetin kufitar rus të Belgorodit vrau dy persona dhe plagosi pesë.
Ndërkohë, një raund tjetër bisedimesh të ndërmjetësuara nga SHBA midis të dërguarve nga Rusia dhe Ukraina do të zhvillohen javën e ardhshme në Gjenevë, disa ditë para përvjetorit të katërt të pushtimit të plotë rus të fqinjit të saj.
