Barcelona pësoi humbjen e tretë në kampionat kundër Levantes. Kampionët në fuqi pësuan një “black-out” në pjesën e dytë dhe vendasit shënuan tre gola brenda 7 minutave.
Tani kreu ndahet me Real Madrid dhe Real Sociedad. Leo Messi është ylli i skuadrës katalanase dhe lojtari që zgjidh kryesisht problemet e Barcelonës.
Gjithsesi, ekipi ka varësi nga… Sergio Busquets. AS raporton se Barça humbet sa herë që mesfushori mungon ose qëndron në pankinë. 31-vjeçari është një lojtar i veçantë, i krijon qetësi ekipit dhe lidh pjesën ofensive me atë defensive.
Busquets ka munguar në tre humbjet kundër Athletic Bilbao, Granadës dhe Levantes. Barcelona nuk varet nga ai, por numrat flasin ndryshe dhe kur shtatlarti mungon gjërat fillojnë e përkeqësohen. /abcnews.al
