Donny van de Beek ishte kryefjala e merkatos së Real Madrid, por në fund holandezi u transferua në Premier League te Manchester United.
“Djajtë e kuq” paguan 40 milion sterlina tek Ajax, por mesfushori ka gjetur pak hapësira te skuadra angleze dhe ndryshimi i skuadrës këtë verë është një opsion.
Daily Star shkruan se United është gati të pranojë propozimin e Real Madrid për ta huazuar një sezon në këmbim të 2 milion sterlinave.
Real Madrid nuk është i gatshëm ta blejë përfundimisht tani për shkak të situatës financiare. Verën e vitit 2022 mund të mbyllet marrëveshja për shitjen përfundimtare dhe United synon të marrë mbrapsht 40 milionët e shpenzuara vjet.
Veç Real Madrid, edhe Ajax ka tentuar ta rikthejë Van de Beek. Gjithsesi United e ka refuzuar këtë opsion dhe po tenton ta transferojë te Reali, pavarësisht se mesfushori do të donte të luftonte për një vend titullari te “Djajtë e kuq”. /abcnews.al
