Barcelona përjetoi 7 minuta të frikshme përballë Levantes. Ekipi i Ernesto Valverdes pësoi tre gola dhe humbi takimin e sotëm. Rrjeta e Leo Messit në pjesën e parë nuk shërbeu dhe tani mund të vijë parakalimi i Real Madrid në renditje.
Valverde ka analizuar humbjen, teksa premton se ekipi i tij do të reagojë. Trajneri vlerëson pjesën e parë, ndërsa 45 minutat e dyta duhet të harrohen sa më shpejt.
“Dëshironim ta fitonim ndeshjen, tentuam të shënonim golin e dytë, por nuk prodhuam shumë në fazën sulmuese. Duhet të tregoheshim më të rrezikshëm, por nuk ia dolëm. Loja jonë ishte e paqëndrueshme dhe pas golit të tretë përfundoi gjithçka.
Kur humbet Barcelona ka gjithmonë kritika dhe diçka e tillë na detyron të reagojmë. E kishim ndeshjen nën kontroll në pjesën e parë, ndërsa në të dytën nuk e rrezikuam Levanten, e cila nuk na kishte rrezikuar ende deri në momentin e golit të barazimit“, përfundon Ernesto Valverde. /abcnews.al
