Kylian Mbappe rrëzëlleu mbrëmë ndaj Barcelonës, duke shënuar një tripletë në fitoren 1-4 të skuadrës së tij dhe hipotekuar kualifikimin në fazën e radhës në Champions League.
Pas kësaj paraqitje të francezit në Spanjë shtyjnë akoma më shumë Realin në lidhje me blerjen e francezit. Por në rrjedhë të kundërt është një nga legjendat e klubit, Jorge Valdano.
Ai shprehet se me këtë paraqitje Mbappe e shtyn PSG ta mbajë dhe t’i plotësojë dëshirat financiare, teksa për Realin shprehet se nuk ka resurset e duhura për të paguar kampionin e Botës. Valdano ka edhe një këshillë për Perez.
“Mbappe ka personalitetin për të treguar të gjithë cilësitë e tij në ndeshjet e mëdha, por PSG ishte shumë më tepër se Mbappe. Pjesa e dytë ishte një mundim i vërtetë për Barcelonën.
Unë mendoj se, pas kësaj ndeshje, Mbappe është më larg se kurrë nga Real Madrid. Ai mund të kërkojë 30 milion euro në kontratë, aq sa merr Neymar dhe këto vlera mund të jepen vetëm nga PSG. Unë tani nuk i shoh ata shumë të interesuar për ta shkëmbyer atë me Messin.
Mbappe është më i kompletuar se Haaland, por unë mendoj se Real Madrid ka nevojë për një shënues si norvegjezi. Haaland është Mario Kempes i shekullit të 21-të”, u shpreh legjenda e Real Madrid. /abcnews.al
