Njoftohet se numri i personave që kanë humbur jetën nga vala e të nxehtit që ka përfshirë Indinë ditët e fundit është rritur në 166.
Sipas deklaratave të autoriteteve, 166 persona, 119 në shtetin Uttar Pradesh dhe 47 në shtetin e Biharit, kanë humbur jetën për shkak të vapës intensive që ka qenë efektive në vend ditët e fundit.
Mediat e huaja shkruajnë se vdekjet ndodhën në shtetin verior të Uttar Pradesh dhe Bihar në lindje, ku u regjistruan temperatura 45 C (113F) gjatë ditëve të fundit.
Atul Kumar Singh, një shkencëtar nga Departamenti Meteorologjik i Indisë (IMD), tha se temperaturat në të gjithë Uttar Pradesh ishin mbi normale, duke shtuar se “nuk pritet lehtësim në 24 orët e ardhshme“.
Vdekjet në Uttar Pradesh ndodhën pothuajse të gjitha në një qark, Ballia, gjë që habiti zyrtarët pasi shumë zona të tjera po përjetonin po aq nga temperaturat e larta.
Ministri i shëndetësisë i shtetit, Brajesh Pathak, tha se kishte hapur një hetim për shkakun e vdekjes së “aq shumë njerëzve” në Ballia./abcnews.al
