Vaksinat kineze të skaduara? ISHP: Të gjitha të sigurta, kush hedh baltë, dëmton jetën e qytetarëve

schedule16:31 - 24 Prill, 2021

schedule 16:31 - 24 Prill, 2021

Instituti i Shëndeti Publik ka reaguar lidhur me denoncimet e vazhdueshme lidhur me sigurinë e vaksinave të ardhura në Shqipëri.

Me anë të një postimi në rrjetet sociale, ISHP e konsideron si përpjekje të dështuar për të dekurajuar qytetarët nga e vetmja zgjidhje për t’i dhënë fund pandemisë dhe t’iu rikthyer jetës normale.

Ndër të tjera ISHP siguron qytetarët se vaksinat që vijnë në Shqipëri janë të sigurta deh vijnë brenda të gjitha standardeve të ruajtjes.

Lidhur me sigurinë  e vaksinave ka reaguar edhe Silva Bino e cila sqaron se  datat e paraqitura tek vaksinat është data e paketimit dhe jo e skadencës. Sipas saj data e skadencës është më 19/02/2022.

“Vec per sqarim; Datat e paraqitura tek Vaksinat ndaj COVID -19  Coronavac 600SU jane datat e prodhimit dhe paketimit .Per njerin lot eshte data 06/04/2021 ndersa per lotin tjeter eshte data 04/04/2021. Ndersa data e skadences eshte 19/02/2022. Ne kutine ku paketohen flakonet  data 13/01/2021 eshte data e aprovimit per perdorim emergjent ne Turqi. Te gjitha Njesite Vendore te Kujdesit Shendetesor jane informuar me shkrese zyrtare nga ISHP  dhe me tej ato kane informuar cdo pike vaksinimi” shkruan Bino.

Reagimi i ISHP:

Përdorimi i procesit të vaksinimit për qëllime të fushatës zgjedhore është një përpjekje e dështuar për të dekurajuar qytetarët, nga e vetmja zgjidhje për t’i dhënë fund pandemisë dhe për t’iu kthyer jetës së dëshiruar prej 14 muajsh.
Vaksinat janë të sigurta, ato janë sjellë në Shqipëri brenda të gjithë standarteve të ruajtjes.
Sjellja e tyre është kryer nën mbikqyrjen e agjensive përkatëse dhe janë të shoqëruara me të gjithë dokumentacionet që garantojnë sigurinë dhe cilësinë e tyre.
Kushtet e ruajtjes, shpërndarja dhe aplikimi i tyre janë brenda të gjithë standarteve teknike, siç është vepruar me të gjitha vaksinat, për dekada të tëra.
Indeksi më i lartë i këtyre praktikave është mbulesa vaksinale në Shqipëri dhe kërkesat e qytetarëve për t’u vaksinuar kundër COVID -19.
Autoritetet shëndetësore kanë garantuar vaksina të sigurta dhe po vijojnë me aplikimin e tyre, sipas planit kombëtar të vaksinimit.
Çdokush që hedh baltë mbi sigurinë e procesit, dëmton jetën e qytetarëve!
Vaksinohuni! Vaksinimi shpëton jetë! E.L/abcnews.al/