Kompania farmaceutike amerikane Moderna njoftoi sot se vaksina e saj kandidate kundër koronavirusit ka rezultuar të jetë 94.5% efektive në parandalimin e sëmundjes. Ndërkohë ka ardhur edhe një reagim i presidentit amerikan Donald Trump në rrjetet sociale.
Ai vë në dukje që gjithë “historianët” e mëdhenj duhet ta mbajnë mend që këto zbulime që ai i quan madhore, kanë ndodhur gjatë mandatit të tij.
Presidenti amerikan shkruan në Twitter: “Një tjetër vaksinë sapo u njoftua. Këtë herë nga Moderna, 95% efektive. Për ata “historianë” të mëdhenj, ju lutem mos harroni se këto zbulime të mëdha, të cilat do t’i japin fund Murtajës së Kinës, të gjitha ndodhën sa kam qenë unë në krye!.”
Lexo edhe: Rezultatet e testeve klinike: Vaksina e Moderna-s, 94.5% efektive në parandalimin e Covid-19
Po ashtu, Trump vijon që të shkruajë në mediat sociale se ai është fituesi i këtyre zgjedhjeve.
“Unë i fitova zgjedhjet!”, ka shkruar sërish presidenti në një diferencë prej gjashtë orësh, pasi kishte shkruar të njëjtin mesazh por me shkronja kapitale.
I won the Election!
Posted by Donald J. Trump on Monday, November 16, 2020
I WON THE ELECTION!
Posted by Donald J. Trump on Sunday, November 15, 2020
