Princesha Charlotte ka marrë një mesazh nga Shakira pasi babai i saj, Princi William zbuloi se ajo ishte e “fiksuar” duke kërcyer këngët e saj. Duka i Kembrixhit e bëri këtë deklaratë për shijen muzikore të së bijës 6-vjeçare gjatë një podcasti të Apple.
Pasi dëgjoi se vogëlushja ishte një fanse, Shakira shkroi në Twitter: “Jam shumë e kënaqur që ju pëlqen muzika ime, Princesha Charlotte!” krahas një emoji zemre. Princi tha se “Waka Waka” është një ndër të preferuarat e Charlotte dhe se përpiqet ta imitojë e veshur si balerinë.
“Një nga këngët që fëmijët e duan për momentin është Shakira, Waka Waka. Ka shumë lëvizje të ijeve së bashku me shumë veshje. Charlotte në veçanti po vrapon nëpër kuzhinë, me fustanet dhe gjërat e baletit. Ajo çmendet plotësisht me Louisin që e ndjek duke u përpjekur të bëjë të njëjtën gjë.”, tha ai.
/abcnews.al
