“Ne jemi akoma këtu, në luftë dhe me besim. Edhe një natë bashkë”, ky ishte mesazhi që Kely Cristina Nascimento, një nga vajzat e Peles, publikoi mbrëmë në Instagram si mbishkrim të një fotoje që tregon atë duke përqafuar babain e saj në shtratin e spitalit, në Sao Paulo.
Të mërkurën, spitali “Albert Einstein”, ku po trajtohet legjenda e futbollit, njoftoi se kanceri i zorrës së trashë po përparon dhe se Pele kishte nevojë për ndihmë më të madhe për të trajtuar dështimin e veshakve dhe zemrës.
Në të njëtën ditë, Kely dhe Flavia Arantes, vajza tjetër, kishin njoftuar përmes rrjeteve sociale se babai i tyre do të kalonte natën e krishtlindjeve në spital.
Pele është shtruar në spital që nga 29 nëntori për një rivlerësim të trajtimit të tij të kimioterapisë pasi kanceri i zorrës së trashë u zbulua në shtator të vitit 2021./ h.ll/abcnews.al
