Vajza e Linda Ramës, Rea Xhillari ka dorëzuar një padi në gjykatën e Tiranës ndaj Sali Berishës dhe 6 deputetëve të tjerë të PD për cenim të personalitetit dhe reputacionit nga përhapja e thënieve të pavërteta me natyrë shpifëse.
Ish-kandidati për kryetar të PD, Ibsen Elezi i ftuar në “Tirana Live” në ABC News, u shpreh se një pjesë e akuzave nga grupi i demokratëve kanë rezultuar të pabaza.
Më tej ai argumentoi se nëse akuzat do ishin të vërteta, çështja do të kishte kaluar në institucionet përkatëse.
“Shpesh herë abuzohet e familjet dhe familjarët e politikanëve dhe kjo nuk është serioze. Nuk është dinjitoze si gjë. Di që kur vajza e Linda Ramës akuzohet padrejtësisht, ajo ka të drejtë të mbrohet.
Kur abuzohet me çështje konkrete, nuk është e thënë të ketë kauza publike, por akuza në institucionet përkatëse. Përderisa nuk kanë ndodhur, atëherë janë në kuadrin politik. Njerëzit nuk i besojnë akuzat e politikanëve që i bëjnë shpesh.”, u shpreh Elezi.
/abcnews.al
