“Ushtria serbe del kundër urdhrit të presidentit Aleksandër Vuçiç, refuzon të ndalojë protestat në Beograd”,- kështu njofton media Nova në Serbi.
Portali shkruan se refuzimi ka ardhur nga Brigada e 63-të e Parashutistëve.
Policia u përplas sërish me protestuesit në Beograd, teksa u shënua nata e tretë e protestave të dhunshme.
LEXO EDHE: Beogrdi në flakë, protesta edhe në qytete të tjera të Serbisë
Demonstruesit vazhdojnë të sfidojnë urdhrin që ndalon grumbullimin e njerëzve. Edhe këtë herë, protestuesit sulmuan godinën e parlamentit, duke tentuar që të futen brenda.
Policia qëlloi me gaz lotsjellës dhe përplasja u zhvendos në rrugë. Ndërkohë portali Nova në Serbi raporton se ushtria ka refuzuar urdhrin për të marrë pjesë në shtypjen e protestave. /abcnews.al
