Forcat izraelite po vazhdojnë me ofensivën e tyre në Gazën qendrore, duke përfshirë kampin Bureij dhe Deir el-Balah lindor, ku ata kanë kryer një seri sulmesh ajrore të bazuara në inteligjencë.
Sulmet kanë shënjestruar komplekse ushtarake, depo armësh dhe luftëtarë të Hamasit, duke vrarë disa prej tyre, sipas ushtrisë.
Përveç kësaj, trupat izraelite kanë vazhduar ofensivën e tyre në Rafah në jug, tha ushtria, duke luftuar dhe vrarë edhe luftëtarë të armatosur atje.
Raundi i fundit i sulmeve të Izraelit në të gjithë Gazën kanë vrarë dhe plagosur gjithashtu dhjetëra civilë, sipas agjencisë së lajmeve Wafa, veçanërisht në zonat qendrore me popullsi të dendur që kanë pësuar bombardime të rënda./abcnews.al
