Në Gaza, Forcat Mbrojtëse të Izraelit (IDF) pretendojnë se kanë vrarë “dhjetëra” njerëz të armatosur të Hamasit në të gjithë rripin ndërsa operacionet vazhdojnë.
IDF tha se kishte kryer sulme dhe bastisje në qytetin jugor të Khan Younis, i cili ka qenë në qendër të vëmendjes ushtarake të Izraelit në javët e fundit, shkruan Sky News.
Sulmet ajrore në dy komplekse në perëndim të qytetit vranë një numër të papërcaktuar luftëtarësh, pretendoi IDF, ndërsa komandot vranë pesë persona të armatosur në një sulm të synuar.
Sipas IDF-së, një përplasje e armatosur ndodhi në një zonë pranë një spitali.
“Trupat e IDF-së identifikuan dhe vranë gjithashtu katër terroristë që po përgatiteshin të kryenin një sulm ndaj trupave të IDF-së pranë spitalit al Amal”, thuhet në përditësim.
Në qendër të Gazës, “dhjetëra” luftëtarë u vranë, ndërsa tanket ndihmuan trupat në aksionin tokësor.
