Ushqimet që duhet të konsumoni për të luftuar simptomat e gripit

schedule12:54 - 28 Shtator, 2020

schedule 12:54 - 28 Shtator, 2020

Në rast gripi, ilaçet e ndryshme natyrore mund të ndihmojnë në përmirësimin e gjendjes së përgjithshme duke kundërvepruar me simptomat e ndryshme. Disa duhet të merren herë pas here, në një mënyrë të veçantë, ndërsa të tjerët përfshihen në dietën ditore. Këto janë disa nga ushqimet që mund të konsumohen për të luftuar simptomat e gripit, sipas Greenstyle.it.

Trumza, rozmarina dhe eukalipti janë një zgjidhje e shkëlqyer për përgatitjen e infuzioneve balsamike për lehtësimin e ftohjeve dhe kollitjeve, që mund të konsumohen në çdo kohë të ditës.  Xhenxhefili është një ndihmë natyrale kundër dhimbjes dhe lodhjes së muskujve, por edhe një zgjidhje për mungesën e oreksit që shoqëron shpesh gripin, shkruan abcnews.al.

Mjalti është i dobishëm kundër dhimbjeve të fytit, kollës dhe si një energjik natyral. Mund të konsumohet vetëm ose me bukë. Shelgu i bardhë është i dobishëm jo vetëm kundër dhimbjeve të muskujve, por edhe kundër dhimbjeve të kokës. Përbërësi aktiv i tij është acid acetilsalicilik, i njëjtë me aspirinën.

Hudhra mund të ndihmojë për të luftuar simptomat e ndryshme të gripit, duke integruar gjithashtu veprimin e ofruar nga mjalti për të mbështetur traktin respirator. Kripërat minerale dhe vitamina C janë ndër pikat e forta të frutave dhe perimeve, të cilat mund të konsumohen pa kundërindikacione të veçanta gjatë gjithë ditës.

Të dobishme si një energjik dhe një rezervë e çmuar e kripërave minerale, arrat janë një ushqim i shkëlqyeshëm për të luftuar simptomat e gripit. Ndërkaq, është e nevojshme gjithashtu dhe pirja e ujit, për jo vetëm që është i dobishëm për të shmangur dehidratimin, por gjithashtu ndihmon në eliminimin e toksinave të pranishme në trup. xh.d/abcnews.al