Nga Simon Shkreli
Edhe ditën kanë frikë, mos bien në lumë. Natën as që bëhet fjalë të kalojnë këtu.
Shkodranët ecin me shumë kujdes në urën e amortizuar të Bunës.
“Frikë kam boll, por çfarë të bëj.”
Siç duket dhe nga pamjet dërrasat e urës janë dëmtuar.
“Shih si janë bërë dërrasat janë bërë të rrezikshme. U bë gati 1 vit kështu. Janë hapur shumë dërrasat.”
“Kur të thyejë këmbën ndonjëri, mbase vijnë dhe e rregullojnë. Ta bëjnë me llamarina se është më rezistente.”
Përgjatë gjithë gjatësisë prej 166 metër të urës ka probleme.
Kjo është njëra nga gropat e hapura në urën e vjetër të Bunës. Pavarësisht apeleve të një pas njëshme qytetarët ecin me frikë në drejtim të Shirokës.
“Duhet me e çu zërin mos e lënë në këtë gjendjen. Të vënë dorë ta bëjnë për së mbari.”
Banorët e Shkodrës kërkojnë riparimin e saj nga Ministria e Mbrojtjes e cila ka për detyrë mbikëqyrjen dhe mirëmbajtjen e saj.
Ura e vjetër e Bunës është monument kulture e kategorisë së dytë. U ndërtuar me 1889, për të lidhur Shkodrën me shtetet fqinje./Abcnews.al/ /
