Manchester United ka hequr dorë përfundimisht nga Jadon Sancho dhe ka zgjedhur të fokusohet te blerja e Ousmane Dembele. Trajneri Solskjaer pret prej kohësh një sulmues të djathtë dhe 23-vjeçari i Barcelonës është drejt transferimit në “Old Trafford”.
Mundo Deportivo raporton se kampioni i botës është bindur nga Paul Pogba, shoku i tij në kombëtaren e Francës. Mesfushori i “Djajve të Kuq” e ka bindur Dembele të kalojë në Premier League dhe ky i fundit ka arritur akordin me klubin ishullor.
Tani duhet arritur marrëveshja përfundimtare me Barcelonën. Katalanasit kanë vetëm një kusht: nuk pranojnë asnjë formë huazimi dhe duan shitjen e plotë të lojtarit ofensiv, i cili u kushtoi plot 130 milion euro në gushtin e vitit 2017, periudhë kur e blenë nga Borussia Dortmund. /abcnews.al
