Numri i fëmijëve të zhvendosur nga dhuna e bandave në Haiti është rritur me 60% që nga marsi në 300,000, që do të thotë se “një fëmijë çdo minutë” po zhvendoset, paralajmëroi Unicef të hënën.
Gjithsej 600,000 njerëz janë detyruar të lënë shtëpitë e tyre në Haiti për shkak të dhunës që po trondit vendin, veçanërisht kryeqytetin Port-au-Prince, shpjegoi Unicef.
“Fatkeqësia humanitare që po shpaloset para syve tanë ka pasoja shkatërruese për fëmijët. Fëmijët e zhvendosur kanë nevojë të dëshpëruar për një mjedis të sigurt, si dhe mbështetje dhe financim të shtuar nga komuniteti ndërkombëtar”, tha në një deklaratë drejtoresha e përgjithshme e UNICEF-it, Kathryn Russell.
Fëmijët dhe adoleshentët janë viktima të dyfishta të dhunës: përveçse janë të detyruar të lëvizin, shpesh pa familjen, të lënë shkollën dhe, në shumë raste, të privohen nga kushtet minimale për mbijetesë, ata janë edhe viktima të sulmit seksual dhe shfrytëzimit.
“Nevojat në Haiti vazhdojnë të rriten, dhe po ashtu edhe rreziqet për fëmijët. Gjithkush mund të ndihmojë në ndryshimin e kursit dhe të sigurojë që fëmijët të kthehen në shkollë, të jenë të sigurt dhe të kenë akses në shërbimet thelbësore,” shtoi ajo./abcnews.al
