Mjeku Besim Murati në “Abc-ja e mëngjesit” foli për situatën e kempeve për fëmijët autikë.
Murati deklaroi se në parim për qarkun Tiranë ka nisur vlerësimi i ri që në themel ka përcaktimin e nivelit të funksionit të individit.
“Për qarkun Tiranë ka nisur vlerësimi i ri që në themel ka përcaktimin e nivelit të funksionit të individit. Të përfshira janë jo vetëm sëmundje që ka një person, por përfshihen edhe ana sociale, biologjike si edhe ana psikologjike”, shpjegoi ai.
Gjithashtu ai theksoi se në sistemin e vjetër të vlerësimit përcaktohej vetëm sëmundja pa marrë parasysh faktorët mjedisorë social, apo barriera të ndryshme.
“Në sistemin e vjetër të vlerësimit përcaktohej vetëm sëmundja pa marrë parasysh faktorët mjedisorë social, apo barriera të ndryshme. Në vlerësimin e ri futet edhe pjesa sociale e një individi që do të vlerësohet, baza e këtij individi. Dy persona me të njëjtën sëmundje mund të mos jenë në të njëjtën gjendje sociale–ekonomike. Pra futen shumë komponentë në vlerësim”, tha Murati.
Nëna e Lorencos, Edlira tregon për “Abc-ja e mëngjesit” vështirësitë dhe mungesën e përkrahjes nga institucionet. Edlira prej 15 vitesh tregon se përballet me sfidën e jetës.
Lorenco ka qenë 2 vjeç kur ajo ka mësuar se djali i saj ishte autik, ndërsa shprehet se e ka përjetuar shumë keq.
Mes vështirësive, ajo shprehet se nuk kërkon lëmoshë, por thekson se institucionet duhet të bëjnë detyrën dhe se për pasionet Lorencos nuk do të ndalet.
“Ka fëmijë që e duan mësues më të specializuar, por Lorenco jo. Ai ka një shok shumë të mirë, ka një komunikim me shokët është shumë bashkëpunues. Ai përshtatet shumë mirë.
Pasionet ia kam zbuluar investuar në fusha të ndryshme. Por kërkon mbështetje, pasi kushtet ekonomike nuk ia lejojnë që t’i mundësojë djalit kujdesin e duhur. Momentet që institucionet e kanë ndihmuar kanë qenë të pakta. Kempet i kanë pësuar rënie dhe nuk e di përse, po ashtu edhe siguracioni i jetës është problem. Jam 24 orë në kujdes të tij. Nuk kërkoj lëmoshë, nëse do të kisha mbështetjen e duhur për djalin unë do të shkoja në punë. Lorenco ka shumë pasion për sportin.
Mund të thonë se ai është me probleme, por është djali im dhe do ta mbroj fort. Është qytetar i këtij vendi dhe shteti ka detyrë ta mbrojë. Ky dhe ai që do vijë. Kam frik sepse nesër do të ngelet në rrugë, në rrugë nga të katër anët që nga unë që s’kam siguracion, jemi të lënë në rrugë. Unë nuk kam për ta lënë në rrugë do të luftoj me të, por do të përballem me të gjithë”, tregon nëna e Lorencos.
Sakaq Eglantina Bajrami nga klubi i prindërve me fëmijë autikë, u shpreh se tashmë nuk përfshihen në këtë formular se për çfarë shërbimi ka nevojë individi me aftësi ndryshe.
Ndërsa mjeku theksoi se vlerësimin e ri shërbimet rekomandohen, ndërsa shtoi se me vlerësimin e vjetër akne qenë dy grupe përfitimi. Ndërsa tashmë janë aktor grupe vlerësimi dhe dy nivele përkujdesje. Pra është përcaktuar se mund të përfitojë një paketë psiko-sociale.
Po ashtu ai shtoi se paraqitja para Komisonit është e detyrueshme dhe në rast se fëmija refuzon, vlerësimi bëhet në shtëpi.
“Nëse gjykojmë se është bërë një padrejtësi, individ ka të drejtë të ankimojë një Komision më superior”, tha mjeku./abcnews.al/
