Ministri i Jashtëm i Ukrainës ka i bërë thirrje Rusisë për një armëpushim për të lejuar kryerjen e riparimeve për të rivendosur furnizimin me energji elektrike në termocentralin bërthamor të Çernobilit.
Operatori shtetëror energjetik i Ukrainës më herët tha se forcat ruse kanë shkëputur termocentralin bërthamor nga rrjeti, raportoi Reuters.
Energoatom, kompania shtetërore bërthamore e Ukrainës, paralajmëroi se situata mund të çojë në çlirimin e substancave radioaktive nga uzina.
Lexo edhe: Termocentrali i Çernobiliti rrezikon të çlirojë substanca të rrezikshme radiokative
Єдина лінія електропостачання ЧАЕС і всіх її ядерних об’єктів, які контролює російська армія, пошкоджена. ЧАЕС знеструмлена. Я закликаю все міжнародне співтовариство негайно вимагати від Росії припинити вогонь і дати ремонтним бригадам якнайшвидше відновити електропостачання 1/2
— Dmytro Kuleba (@DmytroKuleba) March 9, 2022
Nëse vazhdon të ketë ndërprerje të energjisë elektrike , “i gjithë personeli atje do të marrë një dozë të rrezikshme rrezatimi”, tha ministri i Jashtëm i Ukrainës, Dmytro Kuleba.
Puna për të riparuar lidhjen dhe për të rivendosur energjinë në termocentral, i cili është pushtuar nga trupat ruse, nuk ka qenë e mundur sepse luftimet janë duke u zhvilluar, tha ai.
Ministri i Jashtëm ukrainas Dmytro Kuleba tha se gjeneratorët rezervë me naftë në termocentralin bërthamor të Çernobilit kanë një kapacitet 48-orësh.
Pas kësaj, sistemet e ftohjes së objektit të depozitimit të karburantit bërthamor të harxhuar do të ndalojnë, duke bërë që rrjedhjet e rrezatimit të jenë të pashmangshme./abcnews.al/
