Nënë e bir kanë humbur jetën si pasojë e një sulmi me dron kamikazë nga Ukraina në rajonin jugperëndimor të Belgorodit të Rusisë. Lajmi është bërë i ditur nga guvernatori i rajonit, Vyacheslav Gladkov.
Një tjetër dron sulmoi një pikë karburanti pranë fshatit Bessonovka, duke shkaktuar zjarr në një nga tanket, tha Gladkov.
Ministria ruse e Mbrojtjes tha se mbi 100 drone u rrëzuan mbi disa rajone ruse mbrëmë, duke përfshirë gjashtë mbi rajonin Belgorod.
Nga ana tjetër Ukraina nuk ka marrë përsipër sulmin. /abcnews.al
