Serhiy Hayday, kreu i administratës ushtarake të rajonit të Luhanskut, thotë se ka “lajme të mira” nga qyteti i Severodonetsk, i cili ka qenë nën bombardimet ruse për javë të tëra.
Në një postim në kanalin e tij Telegram, Hayday thotë: “Forcat tona të Armatosura kanë pastruar gjysmën e qytetit. Gjysma e qytetit kontrollohet nga mbrojtësit tanë”.
Javën e kaluar, Hayday tha se forcat ruse kishin nën kontroll rreth 80% të Severodonetsk, por që atëherë forcat ukrainase kanë rrëmbyer pjesë të qytetit në luftime në rrugë .
Ndërkohë Rusia goditi sot Kievin me raketa lundrimi të lëshuara nga Deti Kaspik.
Në këtë sulm të parë në kryeqytetin ukrainas në javë, u godit një objekt riparimi hekurudhor, njoftuan forcat e armatosura të Ukrainës dhe kreu i hekurudhave të vendit.
Të paktën një person u dërgua në spital, megjithëse nuk u raportua asnjë vdekje, tha kryebashkiaku Vitali Klitschko.
Mbrojtja kundërajrore e Ukrainës rrëzoi një raketë ruse rreth orës 18:00, njoftuan forcat e armatosura../abcnews.al/
