Teksa Ukraina ka hyrë në ditën e 20 të pushtimit rus, vendi planifikon të hapë nëntë korridore humanitare sot, për të evakuuar banorët e bllokuar nga qytetet e bombarduara.
Skynews shkruan se lajmi është bërë i ditur nga zëvendëskryeministri i Ukrainës.
LEXO KËTU të gjitha ngjarjet për luftën Ukrainë-Rusi
Megjithëse përpjekjet e mëparshme të evakuimeve të civilëve kanë dështuar Ukraina do tentojë sërish sot të evakuojë qytetarët e saj në rrugë të sigurt.
Ndërkohë sot planifikohet të vazhdojë raundi i katërt i negociatave për paqen midis Rusisë dhe Ukrainës.
Një zyrtar i lartë i mbrojtjes amerikane tha se pothuajse të gjitha ofensivat ushtarake ruse në Ukrainë, kanë ngecur, pas një përparimi të vogël që kanë bërë në fundjavë. Zyrtari i Pentagonit tha se trupat ruse janë ende rreth 15 kilometra larg qendrës së Kievit./abcnews.al/
