Ukraina nisi një sulm me raketa në selinë e flotës ruse të Detit të Zi, tha të premten guvernatori i emëruar nga Rusia.
⚡️More shots of the headquarters of the Black Sea Fleet of the ??Russian Federation in temporarily occupied Sevastopol pic.twitter.com/SOEyQSqIoN
— ??Ukrainian Front (@front_ukrainian) September 22, 2023
“Armiku nisi një sulm me raketa në selinë e flotës,” tha guvernatori i Sevastopolit Mikhail Razvozhayev në Telegram.
Sevastopoli, shtëpia e Flotës ruse të Detit të Zi, është qyteti më i madh në gadishullin ukrainas të Krimesë që u aneksua ilegalisht nga forcat e Moskës në 2014.
Media shtetërore ruse TASS raportoi se mbetjet u “shpërndanë në qindra metra” pas sulmit me raketa. Guvernatori i emëruar nga Rusia tha se shërbimet operative shkuan në vendin e sulmit.
Ai paralajmëroi gjithashtu banorët që të shmangin qendrën e qytetit dhe të mos largohen nga shtëpitë e tyre. Javën e kaluar, Ukraina nisi një sulm të gjerë në bazën e riparimit të anijeve për flotën ruse të Detit të Zi, e cila dëmtoi dy anije luftarake ruse, sipas zyrtarëve.
/abcnews.al
