Mungesa e ushqimit në Ukrainë po përhapet për shkak të anijeve luftarake ruse që kanë bllokuar portet e Ukrainës dhe tregtinë në Detin e Zi, tha zëvendësministri ukrainas i Ekonomisë Taras Kachka.
Në një postim në rrjetet sociale, Kachka iu referua një deklarate të Sekretarit të Përgjithshëm të OKB-së Antonio Guterres se një e pesta e popullsisë së botës do të përjetojë uri për shkak të luftës në Ukrainë.
Ai tha se anijet ruse që qëllojnë anijet tregtare po e pengojnë Ukrainën të eksportojë misër, grurë dhe vaj vegjetal.
Çfarë ka ndodhur gjatë 24 orëve të fundit në luftën Rusi-Ukrainë
Anija luftarake ruse Detit të Zi, Moskva, është fundosur në det pasi një zjarr në bordin e saj detyroi ekuipazhin të evakuohej. Ukraina thotë se ka sulmuar anijen, ndërsa Rusia pretendon se municionet në bord janë hedhur në erë
Mbytja shihet si një goditje masive për marinën ruse
Luftimet vazhdojnë në lindje të Ukrainës, në ditën e 50-të të luftës
Shpërthime janë raportuar edhe në Kiev, si dhe në qytetin Kherson
Presidenti rus Vladimir Putin tha se Rusia do të zhvendosë drejtimin e eksporteve të saj të naftës dhe gazit në Azi. Ai paralajmëroi se vendet evropiane po destabilizojnë tregun duke u larguar nga gazi dhe nafta ruse
Ndërkohë, presidenti i Ukrainës, Volodymyr Zelensky, ka akuzuar vendet evropiane që vazhdojnë të blejnë naftën ruse duke “fituar para në gjakun e të tjerëve”. Në një intervistë për BBC, ai veçoi Gjermaninë dhe Hungarinë.
Zyrtarët rusë vazhdojnë të pretendojnë se Ukraina po sulmon zonat kufitare në Rusi
Ministri i Jashtëm ukrainas Dmytro Kuleba ka bërë thirrje për dërgimin e më shumë armëve në vendin e tij. Ai tha se ata janë të nevojshëm për të thyer rrethimin e Mariupolit.
Lufta në Ukrainë po ndikon “rënd” ekonominë e eurozonës dhe ka shkaktuar rritje të kostove të energjisë, ndërprerje të zinxhirit të furnizimit dhe besim më të dobët të konsumatorëve, tha shefja e Bankës Qendrore Evropiane, Christine Lagarde.
/abcnews.al/
