Kompanitë ndërkombëtare që pezulluan aktivitetet e tyre në Rusi do t’u jepet “Çmimi i Paqes” nga presidenti ukrainas Volodymyr Zelensky, shkruan CNN
Kompanitë që u larguan nga Rusia “meritojnë respektin e ukrainasve dhe njerëzve në mbarë botën. Në fund të fundit, indiferenca dhe heshtja janë bashkëfajësi,” tha Andriy Yermak, shefi i administratës presidenciale.
Yermak u bëri gjithashtu thirrje kompanive të tjera që të marrin vendimin e duhur.
“Është e pamundur të mbështeten krimet e luftës, është e papranueshme të bësh tregti me kriminelët e luftës dhe të fitosh para për vrasjen e civilëve,” tha ai.
Që nga pushtimi rus i Ukrainës, shumë korporata ndërkombëtare kanë pezulluar aktivitetet në Rusi, duke përfshirë energjinë, transportin, financat dhe teknologjinë.
Në një fjalim në parlamentin francez javën e kaluar, Zelensky u bëri thirrje disa kompanive të biznesit në Francë që të largohen nga tregu rus dhe “të pushojnë së qeni sponsorët e makinerisë së luftës ruse”.
/abcnews.al
