Loading ...
Presidenti rus, Vladimir Putin, deklaroi se konflikti në Ukrainë ishte tema kryesore e diskutimit gjatë takimit të tij me presidentin amerikan, Donald Trump, të mbajtur në Alaskë.
“Çështja qendrore e diskutimit me Presidentin Trump ishte konflikti në Ukrainë,” tha Putin gjatë konferencës së përbashkët për shtyp, pas një takimi dypalësh që zgjati rreth tre orë.
Ai theksoi se, sipas tij, për të arritur një “zgjidhje të qëndrueshme dhe afatgjatë”, është e nevojshme të eliminohen shkaqet themelore të luftës, por nuk dha detaje konkrete se çfarë konsideron si “shkaqet kryesore”.
Konferenca për shtyp vjen në një moment kritik për luftën në Ukrainë, ndërkohë që komuniteti ndërkombëtar vijon përpjekjet për të shtyrë palët drejt një zgjidhjeje diplomatike.
/ abcnews.al /
