Negociatat do të fillojnë brenda një jave për zgjatjen e një marrëveshje të mbështetur nga OKB-ja që i ka mundësuar Ukrainës të eksportojë grurë nga portet e bllokuara nga Rusia pas pushtimit të saj, tha të premten një zyrtar i lartë ukrainas.
“Negociatat për zgjatjen e marrëveshjes për eksportin e grurit do të fillojnë brenda një jave dhe më pas do të kuptojmë qëndrimet e të gjitha palëve,” tha zëvendësministri ukrainas i infrastrukturës Yuriy Vaskov gjatë një konference për drithërat në Kiev të organizuar nga konsulenca e bujqësisë ProAgro.
Ai tha se po ushtrohej presion ndaj Rusisë jo vetëm për të zgjatur marrëveshjen por edhe për të përmirësuar mënyrën e funksionimit të tij.
“Ne shohim se armiku ka filluar të vendosë kushte të reja. Ne e kuptojmë se do të jetë e vështirë siç ishte në nëntor”, tha Vaskov.
/abcnews.al
