Ministria e Punëve të Brendshme të Ukrainës akuzoi sot ushtrinë ruse për ndalime dhe ekzekutime arbitrare të civilëve në qytetin Vovchansk në rajonin Kharkiv të Ukrainës, ku Rusia ka nisur një ofensivë prej një jave.
“Ushtria ruse, e cila po përpiqet të fitojë një terren në qytet, nuk po i lejon banorët të largohen: ata kanë filluar të rrëmbejnë njerëz,” tha ministri i Brendshëm Igor Klimenko në një postim në Telegram.
Klimenko tha gjithashtu se kishte raporte për ekzekutimet civilëve nga ushtria ruse.
“Banori i Vovchansk u përpoq të arratisej në këmbë, duke refuzuar të zbatonte urdhrat e pushtuesve. Rusët e vranë atë”, vuri në dukje ministri.
Ushtria ruse është akuzuar për shumë mizori të dokumentuara në Ukrainë, veçanërisht masakrën e civilëve në Bucha, një periferi e Kievit që forcat ruse morën në fillim të pushtimit të tyre.
Moska i ka mohuar këto krime, duke thënë se ato janë veprime të inskenuara, pavarësisht shumë dëshmive, indikacioneve dhe provave që implikojnë ushtrinë ruse.
/abcnews.al
