Loading ...
Hysni Rexhaj nga Gjakova në një lidhje live në emisionin “Abc-ja e mëngjesit” rrëfeu pasionin e tij për kafshët. Ai ka krijuar një kopsht zoologjik tepër të veçantë, dhe tani numëron rreth 2500 kafshë që i mban vetë me forcat e veta.
Madje, ai rrëfeu se njërit prej 6 ujqërve që ka në kopshtin e tij, i ka vendosur emrin “Trump” dhe për këtë ka një arsye. . “Emrin ja kam vendosur edhe për të falenderuar Amerikën për atë që ka bërë gjatë luftës në Kosovë, për këtë arsye kam vendosur emrin Trump.”
Ai rrëfeu se i është dashur të përballojë vetë me rrogën si pjesëtar i Ushtrisë Çlirimtare të Kosovës, shpenzimet që duhen për ushqimet dhe gjërat e ndryshme. Ky kopsht. të cilit gjithashtu i ka vendosur emrin “Kopshti Trump” ka marrë edhe vëmendjen e mediave të huaja.
“Mediat e huaja e kanë marrë iniciativën për shkak edhe të emrit dhe të një gjarpri që e kam shti në gojë e kam çu deri në gjysmë të barkut dhe e kam nxjerrë prap të gjallë, për këtë arsye kanë ardhur mediat vendore dhe të huaja.”, tha ai. /abcnews.al/
