Mund të shihet qartazi favorizimi, që po bëhet nga UEFA. Organi më i lartë qeverisës në botën e futbollit në Evropë ka ndëshkuar pa “mëshirë”, këdo që e ka merituar, gjatë Kampionatit Evropian të futbollit, Euro 2024, ku jo në pak raste ka patur edhe pezullime të lojtarëve, me nga dy ndeshje, siç ishte rasti i sulmuesit të Kombëtares sonë, Mirlind Daku apo qendërmbrotjësit turk, Merih Demiral.
Ky i fundit u pezullua për dy ndeshjes, pasditen e së enjtes, gjatë festimit të golit të dytë, ndaj Austrisë ku bëri gjestin e përshëndetjes së ujqërve, i cili simbolizon “Ujqërit Gri”, organizatë turke e ekstremit të djathtë dhe kështu do të mungojë në çerekfinalen e madhe, kundër “Tulipanëve” të Holandës, e cila është planifikuar të zhvillohet mbrëmjen e së shtunës, në “Olympiastadion”, të Berlinit.
Turqia ka apeluar vendimin në UEFA, teksa gjesti u kthye shpejt në një çështje politike, aq sa “detyruan”, Presidentin e Turqisë, Recep Tayyip Erdogan të jetë i pranishëm në tribunat e stadiumit gjerman, për këtë sfidë, mirëpo duket se UEFA e ka ndarë mendjen për vendimin e saj, teksa ndëshkimi ishte pak a shumë i njejtë me atë të “bomberit” tonë, Mirlind Daku, i cili pas barazimit me Kroacinë shpërtheu në thirrje raciste kundër serbëve dhe maqedonsveministrja e brendshme gjermane Nancy Faeser komentoi “Simbolet e ekstremistëve të djathtë turq nuk kanë vend në stadiumet tona. Të përdorësh kampionatin europian të futbollit si platformë për racizmin është krejtësisht e papranueshme. Presim që UEFA të hetojë rastin dhe të marrë në konsideratë ndëshkime”.
Mirëpo, komplet i kundërt ishte vendimi për “fantazistin” anglez, Jude Bellingham, i cili duket se është “përkëdhelur” më shumë seç duhet nga UEFA, të cilët kanë vendosur ta pezullojnë me vetëm 1 ndeshje, si dhe ta gjobisin me 30 mijë euro pas fyerjes që bëri në drejtim të pankinës sllovake, mirëpo pezullimi është me afat 1-vjeçar, çka do të thotë se “galaktiku” i Real Madrid mund të luajë ndaj Zvicrës dhë dënohet përfundimit vetëm në përsërit të njëjtin gjest brenda 12 muajve të ardhshëm. /i.m /abcnews.al
