Liderët e BE-së do të bëjnë thirrje për krijimin e “korridoreve dhe pauzave humanitare” për të marrë ndihmat e nevojshme urgjente në Gaza, sipas draftit përfundimtar të një teksti që do të miratohet në një samit në Bruksel.
“Këshilli Evropian shpreh shqetësimin e tij më të madh për përkeqësimin e situatës humanitare në Gaza dhe bën thirrje për akses dhe ndihmë të vazhdueshme, të shpejtë, të sigurt dhe të papenguar humanitare për të arritur ata në nevojë përmes të gjitha masave të nevojshme, përfshirë korridoret humanitare dhe pauzat”, thuhet në tekst, shkruan Al Jazeera.
“Bashkimi Evropian do të punojë ngushtë me partnerët në rajon për të mbrojtur civilët, për të ofruar ndihmë dhe për të lehtësuar aksesin në ushqim, ujë, kujdes mjekësor, karburant dhe strehim, duke siguruar që një ndihmë e tillë të mos abuzohet nga organizatat terroriste”, thuhet ndër të tjera./abcnews.al
