Loading ...
Ish-kryeministri Berisha i cilësoi si haluçinante deklaratat e Milaim Bellanicës, se ia kishte dorëzuar Lulzim Bashës kasetën për masakrën serbe ndaj shqiptarëve në Krushë të Madhe.
Në intervistën përballë gazetares Juli Xhokaxhi në ABC, Berisha tha se Bellanica nuk është mirë mendërisht, gjë e cila po shfrytëzohet nga armiqtë e UÇK-së dhe Shqipërisë.
Lexo edhe: Habit dëshmitari i masakrës së Krushës: Çdo natë komunikoj me të vdekurit, pi duhan me ta
“Këta merren me njerëz të sëmurë që kanë haluçinacionet dhe obsesionet e tyre duke i shfrytëzuar pastaj kundër shqiptarëve dhe UÇK-së”, tha ish-kryeministri.
Ndërkohë, Berisha zbuloi edhe një sekret me një ministër të Jashtëm të Serbisë disa vite më parë në Tiranë.
“Këtu erdhi ministri i Jashtëm serb dhe kërkoi që të takohej me mua. Unë i thash takohemi, por me një kusht. Cili është kushti, më pyetën? Thash që nuk duhet të përmendet asnjëherë fjala Kosovë në tavolinë. Për Kosovën, u thash të shkojnë të flasin me politikanët e Kosovës”, tha Berisha. /abcnews.al
