Thomas Tuchel është shkarkuar nga Chelsea pas humbjes në Champions League kundër Dinamo Zagreb. Në Gjermani ndërkohë zbulojnë detaje të krisjes së teknikut me pronarët e klubit.
Cristiano Ronaldo ishte një nga arsye për marrëdhënien jo të mirë të Tuchel me Todd Boehly, i cili e donte portugezin në skuadër.
Tuchel, sipas Christian Falk të Bild, i kishte thënë pronarit të klubit se “Ronaldo do të shkatërronte shpirtin e skuadrës në dhomat e zhveshjes”.
Gazetari gjerman zbulon edhe fjalët e Boehly, në drejtim të Tuchel: “Duam të bëjmë një fillim të ri”. Nga e gjithë kjo histori trajneri gjerman ka mbetur mjaft i zhgënjyer. / abcnews.al
