Komisioni i Vlerësimit të Kandidatëve pranë PD, përmbylli dje procesin për vlerësimin e kandidatëve për përfaqësimin politik të PD në nivel qendror dhe lokal.
Periudha e punës së Komisionit, e ndarë në 3 faza, zgjati nga data 3 Gusht deri në 22 Tetor 2020.
Komisioni ka dorëzuar ditën e djeshme Raportin e vlerësimit të kandidatëve, Kryetarit të Partisë Demokratike Lulzim Basha dhe Sekretarit të Përgjithshëm Gazmend Bardhi, për ndjekjen e procedurave të mëtejshme sipas Statutit.
LEXO edhe: PD konfirmon Luan Baçin në Fier, e gjithë lista prej 22 emrash kalon në fazën tjetër
Nga Raporti i Komisionit rezultoi se:
27 kandidatë nga lista e veçantë kombëtare u vlerësuan nga Komisioni, për të qenë pjesë e listës për përfaqësim politik, ndërsa për 13 kandidatë të tjerë u shty aprovimi.
I kontaktuar nga Abcnews.al, një nga zërat më aktivë në Partinë Demokratike, ish-deputeti Luan Baçi u shpreh se ai ka një kontratë me Partinë Demokratike, me strukturat e degës, dhe gjithë anëtarësinë që e ka votuar.
Ai tha se është votuar në mënyrë plebishitare dy herë për kryetar dege, dhe ka qenë emri më i vlerësuar, pa pothuaj asnjë kontestim, në votimin e fundit të listës së kandidatëve për deputet.
“Unë e kam kontratën me Partinë Demokratike, me strukturat e degës dhe gjithë anëtarësinë e saj që më ka votuar, në mënyrë plebishitare dy herë për kryetar dege dhe më i vlerësuari, me pothuaj fare kontestime, në votimin e fundit të listes së kandidateve për deputetë. E respektoj komisionin në punën e tij”, u shpreh ish-deputeti Baçi.
n.d./abcnews.al
