Hailey Bieber ka konfirmuar se përfundoi në spital pas një problemi shëndetësor. Modelja me famë botërore tha se ishte shtruar me urgjencë në spital pasi kishte mpiksje gjaku në tru. Partnerja e Justin Bieber thotë se tani ndihet mirë dhe po rikuperohet në shtëpi.
Ajo e përshkroi ngjarjen si një nga momentet më të vështira të jetës së saj. Ky problem shëndetësor i modeles vjen vetëm disa javë pasi bashkëshorti i saj Justin Bieber rezultoi pozitiv me koronavirus.
“Të enjten në mëngjes, isha ulur me burrin tim, kur fillova të kisha simptoma si goditje në tru dhe u dërgova në spital. Ata zbuluan se kisha pësuar një mpiksje gjaku shumë të vogël në tru, gjë që shkaktoi një mungesë të vogël oksigjeni, por trupi im e kishte kaluar vetë dhe u shërova plotësisht brenda pak orësh.
Edhe pse ky ishte padyshim një nga momentet më të frikshme që kam kaluar ndonjëherë, tani jam në shtëpi dhe jam mirë, dhe jam shumë mirënjohëse dhe falënderuese për të gjithë mjekët dhe infermierët e mrekullueshëm që u kujdesën për mua!”, shkruante modelja e famshme krahas postimit të saj.
/abcnews.al
