Një fëmijë është shpëtuar nga flakët pas një zjarri të rënë në pallatin ku ai jetonte në zonën e freskut në Tiranë. Abc ka siguruar videon kur fëmija nxirret nga punonjësi i zjarrfikëses. Në video duket heroi zjarrfikës, i cili mban në krahë fëmijën që shpëtoi, duke e transportuar drejt autoambulancës.
Makthi mes flakësh për të miturin ka marrë fund, por ende ka banorë të tjerë të pallatit të tij që kanë mbetur brenda dhe janë në rrezik për jetën.
Në flakë është përfshirë kati i dytë i pallatit në rrugën “Fadil Deliu”. Sipas raportimeve disa prej banorëve janë evakuuar, ndërsa po punohet për të nxjerrë edhe të tjerët.
Lexo edhe: VIDEO/ Flakë e kuqe në pallatin në Tiranë, shpëtohet një fëmijë, ka ende njerëz brenda
Lexo edhe: Zjarr në një pallat zonën e Freskut, banorët të gjithë jashtë
Zjarri është i përmasave të mëdha dhe ka shumë forca zjarrfikëse që po punojnë për shuarjen flakëve. Sipas raportimeve, arsyeja e përfshirjes së pallatit në flakë është shpërthimi i një bombole gazi. be.k/abcnews.al
