Komediani, këngëtari dhe showmeni televiziv, Des O’Connor ka ndërruar jetë ditën e djeshme pas rrëzimit në shtëpinë e tij në Buckinghamshire para një jave.
Ai ishte i njohur për drejtimin e emisioneve debatuese, si dhe për “Take Your Pick” dhe “Countdown” dhe për miqësinë e tij Morecambe dhe Wise.
Lajmin e ka bërë të ditur agjenti i tij. Ndërsa mikja e vjetër e familjes, Pat Lake-Smith ka deklaruar se ai nuk ia doli ta merrte veten pasi u rrëzua në shtëpinë e tij, duke iu përkeqësuar përnjëherë shëndeti.
O’Connor, lindur në Londër, kishte drejtuar emisionet kryesore të mbrëmjes për më shumë se 45 vjet, por kishte edhe karrierë të suksesshme muzikore.
Fama e tij arriti kulmin kur ishte angazhuar për ta drejtuar emisionin “The Des O’Connor Show, në krye të të cilit ishte nga viti 1963 deri më 1971 në ITV.
Më 1977, nisi ta drejtonte një emision në BBC 2 para se të kalonte në ITV, ku do të qëndronte deri më 2002. Ai më vonë do të drejtonte edhe emisionin e diturisë “Countdown” në “Channel 4” bashkë me Carol Vordermanin, me çiftin që do të bashkëpunonte deri më 2008. l.k/abcnews.al
