U raportua i zhdukur, nxirret nga rezervuari trupi i pajetë i 26-vjeçarit nga Maliqi

Është nxjerrë nga rezervuari trupi i pajetë i 26-vjeçarit, i cili u gjet mesditën e sotme nga policia në një rezervuar mbi fshatin Kolanec.

Trupi i pajetë i Martin Çeçou transportua në morgun e Spitalit Korçë, ku do të pritet përgjigjja e ekspertizës mjeko-ligjore për përcaktimin e shkakut të vdekjes.

Lexo edhe: Gjendet një trup i pajetë në Maliq, dyshohet se i përket 26-vjeçarit që ishte denoncuar i humbur nga familjarët

Njoftimi i policisë

Në vijim të informacionit të sotëm, i cili bënte fjalë për largimin nga banesa të shtetasit M. Ç., 26 vjeç, banues në fshatin Kolanec, Maliq, ju informojmë se ky shtetas u gjet i mbytur, në rezervuarin mbi fshatin Kolanec.

Trupi i pajetë u transportua në morgun e Spitalit Korçë, ku do të pritet përgjigjja e ekspertizës mjeko-ligjore për përcaktimin e shkakut të vdekjes.

Grupi hetimor po punon për sqarimin e plotë të rrethanave të ngjarjes.

/abcnews.al/