Ivan Toney, sulmuesi i Brentfordit , ka vënë bast kundër skuadrës së tij trembëdhjetë herë, gjë që bie ndesh me rregulloren e federatës angleze (FA) dhe është një nga shkeljet për të cilat ai u pezullua për tetë muaj në pamundësi për të luajtur. Sulmuesi anglez ka vënë baste 232 herë, ndërmjet viteve 2017 dhe 2021 , nga të cilat 126 nga ato baste ishin të lidhura me garat në të cilat klubi ku Toney luante në atë kohë. Në dokumentacionin e zbuluar këtë të premte nga FA, saktësohet se klubi në të cilin luajti Toney ishte i përfshirë drejtpërdrejt në 29 nga ato 126 baste.
Nga 29 baste, 16 ishin në favor të skuadrës së tij në 15 ndeshje të ndryshme. Toney luajti në njëmbëdhjetë nga ato ndeshje. Trembëdhjetë bastet e mbetura ishin kundër klubit të tij , por sulmuesi nuk mori pjesë në asnjë nga ato ndeshje . Përveç kësaj, Toney ka vënë bast pesëmbëdhjetë herë për golin e tij.
Megjithatë, komisioni rregullator që trajtoi çështjen shpjegoi se Toney nuk kishte asnjë ndikim në këto rezultate dhe se për këtë arsye nuk kishte asnjë manipulim. “Nuk ka asnjë provë që z. Toney ishte në një pozicion për të ndikuar në rezultatet e ekipit të tij, sepse ai ose nuk ishte në ekip ose nuk ishte në gjendje të luante në atë kohë ,” tha komisioni.
FA dëshironte të ndalonte Toney-n për pesëmbëdhjetë muaj , por e reduktoi ndalimin në tetë muaj pasi anglezi pranoi faktet dhe u ekzaminua nga një psikiatër dhe u diagnostikua me një varësi nga bixhozi./h.ll/abcnews.al
