Ditët e fundit u përfol se çifti më i ri i showbizzit, Diletta Leotta dhe aktori turk Can Yaman po kalonin një krizë në marrëdhënien e tyre. Aktori me origjinë shqiptare mbylli disa ditë më parë Instagramin dhe nga ana tjetër prezantuesja italiane publikoi disa foto, ku vihej re që mungonte unaza e fejesës.
Sikur të mos mjaftonte kjo, dasma e cila do të mbahej në Romë me 16 Gusht, u shty. Por këto thashetheme se i kanë dhënë fund i ka hedhur poshtë vetë prezantuesja duke thënë se vazhdojnë të jenë të lumtur pranë njëri-tjetrit.
“Martesa nuk është anuluar, çfarë ka qarkulluar janë vetëm thashetheme. Historia jonë e dashurisë është e vërtetë dhe unë jam shumë e lumtur. Gjërat po bëhen në kohën e duhur. Can e mbylli Instagramin për arsyet e tij të biznesit”, ka treguar ajo. /abcnews.al
