Angazhimi më i fundit i Lady Gaga-s si aktore ka qenë filmi “House Of Gucci”. Por kjo nuk është hera e parë që këngëtarja dhe aktorja pretendon për një Oscar, pasi ajo spikati me rolin e saj në “A Star Is Born”, ku luante krah Bradley Cooper.
Asokohe, Gaga dhe Cooper u bënë kryetituj të mediave botërore për shkak të performancës së tyre në “Oscars 2019”. Yjet e filmit u ngjitën në skenë në ceremoninë e lavdishme të çmimeve për të dhënë një interpretim të këngës së suksesshme të filmit të tyre, Shallow.
Cooper ka adresuar më në fund thashethemet për një romancë mes tyre duke thënë se zgjodhën të interpretonin performancën si një skenë nga filmi i tyre në një përpjekje për të ndihmuar në kontrollin e frikës së tij për të kënduar live.
“Vetëm nga një këndvështrim personal, zvogëlon nivelin e ankthit. Ata bien në dashuri në atë skenë në film. Është ai momenti shpërthyes që u ndodh atyre në një skenë para mijëra njerëzve. … Do të kishte qenë kaq e çuditshme nëse të dy do të ishim në stol përballë audiencës”, tha Cooper. /abcnews.al
