“U martuan në një ceremoni shumë të vogël”, dalin detaje të reja nga dasma e Rita Orës dhe Taika Waititit

Prej disa ditësh, është konfirmuar lajmi se Taika Waititi dhe Rita Ora janë burrë e grua. Pas thashethemeve se çifti ishte martuar, është zbuluar se këngëtarja dhe regjisori organizuan një ceremoni shumë të vogël. Ata janë fotografuar të dy me unazë martese në gisht.

Vitin e kaluar, Ora dhe Waititi konfirmuan publikisht lidhjen e tyre, kur këngëtarja postoi një foto të saj dhe regjisorit të përqafuar. Dyshja më vonë bënë debutimin e tyre në tapetin e kuq si çift në premierën e Gushtit 2021 të The Suicide Squad në Los Angeles.

Në shtator, Waititi dhe Ora u shfaqën së bashku në Met Gala 2021. Në shtator, gjatë një interviste që dha për Vogue Australia, Rita theksoi se ishte shumë e lumtur. “Unë jam në një vend të mrekullueshëm në jetën time, kjo është gjithçka që mund të them për këtë”.

/abcnews.al