Paniku kaploi të shtunën qytetarët në rrugët e Romës, kur një luan doli nga një cirk, duke sinjalizuar alarmin e autoriteteve. Për fat të mirë, fundi ishte i lumtur, pa të lënduar.
Veçanërisht, veterinerët italianë arritën të imobilizonin dhe vunë në gjumë, duke përdorur një dozë anestezie, luanin që u hoq nga një cirk në Ladispoli, tridhjetë kilometra jashtë Romës.
Për rreth pesë orë, luani qëndroi i lirë, në një zonë me shkurre dhe në rrugët e Ladispolit, afër Romës.
Kryebashkiaku i këtij qyteti bregdetar, Alessandro Grando u kërkoi banorëve të qëndrojnë në shtëpitë e tyre. Ndërsa, karabinierët, policia dhe zjarrfikësit morën pjesë në operacionin për gjetjen e luanit.
“Një luan ka dalë nga cirku”, ka shkruar ai, duke sqaruar se kafsha është parë në një përrua pranë ambienteve të cirkut. “Ne ju kërkojmë të jeni shumë të kujdesshëm dhe të shmangni udhëtimet deri në një njoftim të dytë”, shtoi Grando.
Grado vuri në dukje se ai nuk kishte dhënë leje për praninë e një cirku me luan në qytet, por nuk ishte as në kompetencat e tij as ta ndalonte atë./abcnews.al
