Dy qytetarë në Durrës janë vënë në pranga për prodhim dhe shitje narkotikësh ndërsa një tjetër është shpallur në kërkim. Mësohet se të arrestuarit janë R. U., 25 vjeç, banues në fshatin Larushkë, Krujë dhe E. S., 31 vjeç, banues në fshatin Gramëz, Fushë Krujë.
Ky i fundit ka qenë i dënuar më parë për kultivim të lëndëve narkotike.
Dy të rinjtë u arrestuan pasi gjatë kontrolleve që policia kreu në automjetin tip “Audi” në pronësi të R. U., ku ndodheshin dhe A. Xh. dhe E. S. (posedues të lëndës narkotike), u gjet një sasi prej 8 kg e 200 gram cannabis sativa, të cilën do ta blinte 25-vjeçari.
Ndërkohë, në kërkim është shpallur 37-vjeçari A. Xh., 37 vjeç, banues në fshatin Larushkë, Krujë. Lënda narkotike dhe automjeti tip “Audi” u sekuestruan nga policia. s.b/abcnews.al/
