Një 18 vjeçar shqiptar ka rënë në prangat e policisë italiane pasi akuzohet për trafik të lëndëve narkotike.
Mediat italiane shkruajnë se oficerët e policisë në Riva del Garda kanë arrestuar shqiptarin, i cili qëndronte në një ambient akomodimi në Upper Garda, për trafik droge.
I riu është identifikuar në kuadër të veprimeve të kontrollit territorial me qëllim parandalimin dhe luftimin e trafikut të drogës, me kallëzim të disa banorëve të zonës, ndërsa ka hequr dorë nga dy doza kokainë.
Veprimtaritë hetimore u shtrinë në dhomën e banuar në objektin e akomodimit aty pranë, ku u sekuestruan 25 doza të tjera kokainë tashmë të paketuar dhe rreth 3000 euro në kartëmonedha të prerjeve të ndryshme. Në përfundim të aktivitetit u sekuestruan 27 doza kokainë në total rreth 20 gramë.
I riu u transferua në burgun Spini di Gardolo./abcnews.al
